Dit wil voorkom asof SAHPRA oorweeg om die leiding van die VSA te volg. Na vele gevalle van bloedklonte en trombose het die FDA besluit om die J&J eksperimentele inenting te beperk tot mense ouer as 18. Nou wil SAHPRA hul eie ondersoek doen – maar hoekom het SAHPRA nie reeds vroeër hul eie ondersoek gedoen nie? En hoekom word daar net na J&J gekyk en nie ook na Pfizer nie?
Soos berig deur die Sowetan, het SAHPRA reeds teen Julie 2021 erken dat hulle 3 730 gerapporteerde gevalle van newe-effekte ontvang het vir beide die J&J en Pfizer inspuitings. Op 16 Februarie 2022 het SAHPRA ‘n brief ontvang van meer as 70 professionele gesondheidswerkers waar daar gewaarsku word teen die hierdie inentings se newe-effekte.
Newe-effekte kan by SAHPRA gerapporteer word, maar slegs vir die wat ‘n slimfoon het. Die Dokters se brief beweer ook dat die gevalle wat aan SAHPRA gerapporteer word nie met die publiek gedeel word nie. SAVAERS (South African Vaccine Adverse Event Reporting System) is ‘n onafkanklike platform wat gestig is waar die publiek ook newe-effekte kan rapporteer – om deursigtigheid en aanspreeklikheid te bevorder.